Јурген Клоп

Баерн очигледно ќе нема поголеми проблеми со останатите екипи годинава. Лесна победа и против Мајнц со 3-1. Но веќе следниот викенд тест за Баварците на гости кај Шалке. Малку ги погледнав сините со Хановер и играа напаѓачки око не им трепнува. Си постигнаа и 2 гола, но и примија 2. Се мислам дека би требало дербито да се типува ГГ, ако веќе се избегнува 2-ката и да се моли човек што побргу да падне првиот гол од било кој. Но има време за размислување до тогаш.

Туку најголемиот противник за Баварците веќе знаеме во изминатите две сезони е Јурген. Човекот ми е крајно симпатичен, се радува како мало дете на љуљашки и дефинитивно го познава фудбалот. Им подели лекција по фудбал на Леверкузен, иако ги фалеше претходно како доста незгодна екипа со врвен квалитет. Не ги забораваме и минатогодишните лекции против Баерн. Е сега тука е прашањето дали може и годинава истото да го повтори???
Дали Баерн сеуште не наишол на поквалитетен противник или е вистина премногу јак ќе дознаеме веќе следниот викенд,а потоа ќе се чека првото вистинско дерби против Јурген. Човекот веќе е господ во Дортмунд, но и годинава немаше среќа во извлекувањето за групи во ЛШ. Ајакс, Сити и Реал се доста тешки противници. Е тука можеби Баерн треба да ја гледа својата шанса годинава, бидејќи како и да е ќе се потрошат доста сили од страна на Јурген, а Баерн е сепак во полесна група со Валенсија, Лил и кој друг ако не Бате. Само да им завидуваме на фудбалските збиднувања и се што ќе си доживеат понатаму на сладокусците од Германија. Тоа е....