Пеп не напушта. После четири години и освоени 13 трофеи, Гвардиола реши да си фати друг пат. Имам измешани чувства за неговата одлука. Очигледно е дека тој е многу интелегентен. Мислам дека чувствува дека е време за адиос. Не сака кај ниеден навивач да му се појави чувството дека тој треба да си оди. Подобро е вака. Да биде запаметена Ерата на Гвардиола. Ќе се создаде еден современ мит. А ќе се врати, убеден сум во тоа. Е тоа која ерупција и подигање ќе биде.
Најверојатно ќе го наследи Марсело Биелса од Билбао. "Лудакот", како што го викаат, е вистински фанатик по фудбал. Невообичаени методи и однос, но сепак успешен. Менторот на Пеп. Како што е ред во светскиот фудбал, кога некој успешен тренер си оди од кормилото по повеќе години, тогаш тој има главен збор околу тоа кој ќе го наследи. Така е и со Биелса, за кого Пеп има крајно високо мислење и по негова препорака најверојатно ќе дојде на Ноу Камп. Ќе недостига. Тешко е да се замисли Барса без него. Беше како едно со играчите. Со среќа по патот кој го одбра мајсторе и те чекаме пак!
No comments:
Post a Comment