Потребен е нов импулс

Дури сега се гледа колку е тешко да се повторат шесте титули. Ќе биде ѓаолски тешко да се освојат дури и две. Сега е време Гвардиола да го извади зајакот од шеширот. Мотивирај! Ако воопшто нешто големиот Пеп чува како тајно оружје, сега е одличен момент да го употреби. Барса е млитава, немотивирана, спора. Тука додај дека сите тимови против неа играат со 120% и сакаат да го добијат апсолутниот шампион...Рака на срце, со Севиља се играше со втора постава, но во игра влегоа и "тешкашите". Милито прв пат игра по речиси две години. Чигро ни оддалеку не вреди 25 милиони евра, туку околу три. Маркез не е ни за во Пуебла. Боки Крки е талентиран но...Фалат африканците Јаја и Сејду. На Меси му се тешки нозете. Иниеста и Чави не се ланските. Ќе излезе ли Блауграна посилна по овој период? Станува збор за вообичаен замор? Пеп знае.