Бисерите на Пеле

Веќе никој не го зема за сериозно, а тој пак, само тресе и тресе зелени. Наместо да се стане посериозен и да размисли пред да каже нешто, Пеле и натаму продолжува да го привлекува вниманието на јавноста со непромислени изјави. Последната, Нејмар бил подобар од Меси. На ова веднаш реагираше неговиот најлут противник, Диего Армандо, кој му порача на 71-годишниот бразилец да не ги меша апчињата. Оние што му се за сабајле, да не ги зема навечер и обратно.

Дел од прогнозите на Пеле:

Кина 2002
Пеле: Кина ќе ја помине групната фаза на Светското првенство.
Исход: Кина заврши како последна во својата група, без ниту еден поен и без постигна гол.

Шпанија 1998
Пеле: Шпанија се фаворити на Светското првенство во Франција 1998
Исход: Шпанија беше елиминирана уште во првата фаза.

Колумбија 1994
Пеле: Колумбија ќе биде шампион на Светското првенство во САД 1994
Исход: Колумбија беше елиминирана уште во првата фаза откако заврши на последното место во групата. Дефанзивецот Андрес Ескобар беше убиен во Колумбија откако си постигна автогол.

Аргентина - Франција 2002
Пеле: Аргентина и Франција ќе играат во финалето на Светското првенство во 2002
Исход: Двете репрезентации беа елиминирани во првата фаза, а Франција не постигна ниту еден гол

Кариерата на Роналдо
Пеле: Кариерата на Роналдо е завршена по повредата во 2008-та година
Исход: Роналдо во март 2009-та година заигра за Коринтијанс и постигна 10 голови на првите 14 натпревари.

Африка
Пеле: Репрезентација од Африка ќе го освои Светското првенство до 2000-та година
Исход: 2011-та година завршува, а ниту една репрезентација од Африка не поминала четвртфинале на СП

Бразил 2002
Пеле: Бразил нема да ја помине првата фаза
Исход: Бразил го освои Светското првенство во 2002-та година