Јабулани

Упорно стојам зад тоа дека (не)квалитетот на натпреварите и малиот број голови се последица на повеќе фактори (ефектот "Мурињо", тактизирањето), но најголемата причина, според мене, е новата топка. Штотуку ги читав коментарите на играчите и голманите, нема еден кој кажува добро (освен оние на кои Адидас им е спонзор, а како таков дури и Меси ја критикуваше топката). Те била како топка за на плажа, те како да си ја купил од ефтина продавница итн. "Срамота е што ваков голем турнир се игра со ваква топка" - Буфон Џиџи, "Што и да направам, топката никако да ми остане во ракавици" - резервниот голман на Англија Харт, "Игравме со невозможна топка, но мора да се навикнеме" - данскиот тренер Мортен Олсен и безброј други слични коментари. Се гледа тоа убаво и на телевизија. Јабуланито има некој чуден, брз лет, ротира брзо и има неправилна патека. Затоа е многу тешко играчот да процени каде и како ќе падне или ќе се движи. Последица се многуте промашени шанси од центаршути (прво ми доаѓа на памет Жигич, но и еден куп промашувања со глава или волеи кои одат во небо). Да не зборам за непрецизните и балон центаршути. Се поставува прашањето - дали е потребно на секој Мундијал или Европско да се вадат нови модели на топки? А да не е само профитот е во прашање? Како и да е, мислам дека во понатамошниот тек на турнирот, работите малку ќе се поправат, но не сосема. Штетата е веќе направена.

"Technology is not everything; scientists came up with the atom bomb, doesn't mean we should have invented it" - уште еден од коментарите во врска со новата топка.